噚日上午嘅升旗禮，有不少市民被隔得老遠，連國旗影都睇唔到，好掃興。夜晚煙花滙演晚宴，何志平一進場就俾大批記者追問有關安排是否有問題。點知何局長一臉惘然，一句「有件咁嘅事？我唔知喎，畀咩回應吖？」就施施然入咗場。
在場記者好少聽到咁不知所謂嘅答案，揚言要「如實報道」，何局長個新聞官聞言面色都變埋，第一時間捉佢出來補鑊。二十分鐘後，何局長在神色凝重嘅常任秘書長李麗娟同十幾位新聞官簇擁下，再現身答問題。佢話「市民入唔到場，真係好高興啊！」原來佢係話「有咁多人想睇升旗禮，非常好！」
相比之下，馬時亨就識做好多，識得即場向記者發新卡片（圖）。
傳真︰2623-9278
電郵︰