一向愛揸靚車的「雪肌蘭」老闆娘陳細潔，昨日為「奧海城米奇開心派對」示範由張天愛設計、印有米奇老鼠圖案的服裝，穿上低胸露臍裝的陳細潔表現相當淡定。
謝霆鋒日前又再撞車，而「炒車」經驗十分豐富的陳細潔對此說：「佢又撞車我一啲都唔意外，喺香港地撞車，好多時唔係揸得太快，而係可能個人太攰，塞車時好易瞓着；或者係講緊電話。」
陳細潔續說：「不過我覺得揸貴車真係安全啲，話晒歐洲車鋼水好啲，我試過同架日本車對頭相撞，我架車冇事，但係對方架車就散到唔似車形。重有次喺蘭桂坊畀個代客泊車嘅人幫我泊架百幾萬嘅寶馬，結果佢將架車撞咗入兩間舖，重撞傷咗個途人，嗰次保險公司幫我賠錢畀兩間舖連埋個途人，差唔多要成百萬，我自己架車totalloss，我就得番五十萬啫，保險經紀話我再撞車嘅話，會累到佢連份工都冇埋㖭。」