雖然話香港經濟唔好，之不過中、高價車表現持續向好，正如部平治新款E-Class，快者要響今個月底才開始正式交車，但代理至今經已收到過七百部車嘅Order，你都咪話唔厲害；而代理為要鞏固市場及刺激銷量，上星期重效法水貨車商，空運咗三部全新右軚新E-Class到港㖭！擺明車馬又睇吓班水貨商點同佢鬥。然而，平治代理嚟緊又有新Project，咪之前亞Mark話過嘅Smart囉！一如亞Mark所料，代理會替Smart另覓新Showroom，以提升呢部迷你CityCar嘅地位同獨特性嘛！聽聞個新陳列室嘅選址，會響番香港銅鑼灣一帶，相信車迷期待已久嘅Smart，或許可望8月底左右，會同香港Fans見面㗎！