五窮六絕七翻身，家陣剛好踏入7月份，小初希望手上啲蟹貨有翻生之日。小初坐緊艇嘅愛股唯冠國際（334），雖然上周被基金大戶洗倉，但起碼都見大股東出嚟增持，同埋有間星資行密密收集，令股價略見反彈，小初個心都安樂多少。
另外，經紀陳又話，世界盃打完，唔少莊家都會開始出嚟搞作，好似上市時炒到十分熱鬧嘅神州醫療（8186），正當大家都以為上海炒家已經散完貨，但點知又有消息傳出，話隻股可能又會炒多一轉。
小初問經紀陳神州醫療有乜炒作藉口？佢話唔清楚，或者同長實（001）分拆長江生物科技上市有關，借勢炒吓啩？小初駁嘴話，長科同神州醫療嘅生意其實唔相同，理由似乎牽強啲。
經紀陳唔順氣，佢叫小初咪駁嘴，總之佢聽到有人搵到條水喉支持炒作，但炒家可能要喺50仙樓下水平收一輪貨後先至郁手。
慕容小初