噚日喺旺角新世紀廣場舉行「中國娃娃新世紀回歸花生騷」，由五位靚女名星名模着起由設計師鄧達智設計嘅新款中國時裝，以另類方法慶祝香港回歸五周年。
八方最初以為，中國衫都無乜特別啫，來來去去都係長衫、旗袍，點知去到一睇，先發現呢啲新設計非常性感：徐子淇一件鮮紅性感「大露背肚兜裝」、溫碧霞低胸飄逸嘅「大紅玫瑰裙」、吳文忻活潑得意嘅「中國娃娃裝」、名模李嘉慧短無可短嘅「迷你前衞旗袍」同陳嘉容件透明誘人嘅「透視圍裙裝」，各有睇頭。
佢哋喺台上演繹呢啲新裝時，成個商場圍咗大批市民，睇到徐子淇露出個patpat，溫碧霞件衫就跌就跌，相信好多人會希望日日都慶祝回歸，日日有新裝睇就好囉！
傳真︰2623-9278
電郵︰