就快做教育局長、管晒全香港老師同學生的李國章，細個到底又乖唔乖呢？
八方最近再次翻看平機會胡紅玉老公秦家聰寫嘅「香港名門－李氏家族傳奇」，發現被中大學生冠以「敢言但獨斷獨行」評語，又有KINGARTHUR之稱嘅李國章，細細個已經百厭非常，而且極具科學家嘅細胞。
四歲時佢為咗「探尋科學數據」，想知姑媽李慧珍養嘅熱帶魚離開缸水幾耐先死，竟然逐條魚撈出來「晒太陽」。咁重未止，小小李國章重發明一個新實驗，先將一條魚晒幾分鐘太陽，之後放返入魚缸。如果條魚未死重識郁，就撈番出水，第二次會再晒耐啲，反覆幾次，就得出條魚準確死亡時間。
估唔到李國章咁細就有實驗精神，不過希望教育改革唔會好似啲熱帶魚咁，成為佢下一個實驗對象。
至於嗰次粗糙實驗嘅收場，當然係缸熱帶魚死光，而李國章就被老竇李福樹打咗一頓屁股，以示懲戒。不過，雖然經驗慘痛，仍然無法制止ARTHRR仔嘅好奇心，佢老哥重係鍾意日日去廚房睇人煮餸劏雞，最後佢就下定決心，要學醫，唔聽阿爺李冠春講去學法律。
傳真︰2623-9278
電郵︰