日本人一向熱愛打機，世界盃期間，球迷睇完波當然想第一時間返屋企再打足球遊戲機，單單一套熱門作品「WinningEleven6」就有過百萬銷量。
日本一向是遊戲軟件產品大國，多間生產商如Square、Konami、EAsport等見機不可失，在世界盃前擁出超過十款足球遊戲；其中Playstation2的大熱作品「WinningEleven6」更厲害，四月推出至今已售出一百萬套，穩佔一哥位置，拋離第二的一款角色扮演動作遊戲五倍之多。
據東京新宿一間名叫櫻花屋的玩具店經理龜田先生說：「世界盃期間，足球遊戲軟件簡直大熱，單單WinningEleven6就每日買出五十套，星期六日更超過一百套，大部份都係啱啱睇完波嘅後生男仔買，世界盃令我們的生意大增。」
從五、六月日本遊戲軟件銷售量來講，十大銷量遊戲軟件中有四隻足球遊戲，就知世界盃魅力已入侵遊戲界啦。