一直想問個問題：咁多人去東京入貨，點解日本仔唔將所有嘢放上網，打幾句英文，咁自然好多香港及鬼佬就唔使受水貨佬氣，又唔使受炒價影響，自然貨如輪轉啦！今日終於找到一個日本炒賣網，全英文化網上炒鞋，睇完就知日本仔幾狂，二、三萬日圓一對波鞋真係閒閒哋，重狂係發現已有香港人入貨，聽聞有唔少港人有樣學樣，已開日文網做炒鞋賺日圓！講番呢個網，最新各款鞋都有明碼實價，乜鬼Force、Dunk都可看到，而且收VISA、Master，送貨更以特快空郵形式，約兩日收貨，上網買好過益本地排隊黨。其實呢幾年香港出現唔少專炒鞋人士，大力鼓吹炒鞋，夾埋報紙雜誌專欄報道炒鞋熱點及威水史，最近6月18日Nike大牌子開售亦出現炒鞋黨，真正有心人就笑住排隊喊住出嚟，此風氣真不可長。
記者：馮彥彰
網址：