標緻車廠為進佔小型汽車市場，故最近正落力研製全新嘅107車系；此車除備有嬌小玲瓏嘅造型，以及趟門設計方便上落外，而且重將會用以取代現有106車系㖭。
從預想圖中可以睇到，全新標緻107以圓渾嘅車身線條出現，再加上高頂設計及趟門配搭，除可營造出闊落嘅車廂空間，以及令乘客上落車時更方便外，低斜嘅頭燈配搭，更能令新車增添有一份攝人嘅魅力。
車廂鋪排方面，則由於未有呢方面嘅詳細資料，故未能確實其配搭；但一般相信會以實用為主，絕無其他花巧之作。另外，新車亦備有多個引擎配搭供選擇，當中包括有一台1.2公升電油引擎，以迎合不同用家需要。各位有興趣嘅車迷，留意一下新車嘅確實推出日期喇！