九八年曾跟隨香港隊來到橫濱採訪皇朝盃，所以再一次有機會嚟到橫濱綜合競技場採訪世界盃決賽，眼前是新一屆世界盃冠軍盟主，小記覺得幸運之餘亦有兩種熟悉嘅感覺。
點解喺兩種熟悉感覺？除咗重臨大得令人有唞唔到氣感覺嘅橫濱綜合運動場之外（因為要到記者席要行樓梯到七樓看台，所以來回兩次已經無晒氣），眼前打入決賽隊伍之一又係冧莊決賽嘅巴西，唯一唔同嘅係場內終於聽到巴西球迷嘅打氣聲。
上屆巴黎決賽時，當時全場都係藍色一片，為法國打氣嘅球迷數目遠遠超過巴西，連接失球後嘅巴西完全好似一隻狂牛被帶入鬥牛場一樣任人宰割；這次決賽對巴西同德國嚟講，總算係喺公平情況下爭奪世界盃。
不過，感受最深刻始終都係朗拿度，上屆決賽正係朗拿度黑暗時期嘅開始；四年後居然可以再次重上高峯，果然世事真係無絕對！
記者梁國威橫濱專電