憑《倩女幽魂》獲八七年金馬獎最佳編劇的阮繼志，九七回歸後一直嘗試努力再次爬升為全港最出色的編劇，正當他克服車禍後帶來的創作低潮，令自己重新成為充滿靈感的多產編劇時，金融風暴又把香港電影捲入歷史性不景氣之中。面對沉重的生活壓力，他對第二屆特區政府新班子有這樣評價：「都係換湯不換藥，帶唔到希望畀我哋。」
阮繼志曾是金牌電影編劇，在回歸五年後，只有一部《二人三足》被拍成電影，票房收入亦不見理想，一家生活費主要靠太太當護士賺取。他接受訪問時坦言對政府沒有期望：「冇評價，所以冇期望，因為以前未見過個政府做過一件好嘢。」但他沒有把五年的生活困境歸咎於政府官員身上。「你話佢哋做咗啲好衰嘅嘢要俾人鬧又冇，但係總之佢哋做唔到好官，冇做到直接嘅嘢幫到我哋。」
對特首董建華的表現，他說：「我冇立場，唔係要幫董伯伯，亦唔會憎董伯伯，我覺得我哋小市民都有責任。」他沒有埋怨經濟大環境壓得自己爬不起來，「爬唔起身係因為自己未準備好，好似吳宇森咁，佢九七年之前嘅電影都好好吖，九七之後就唔收得，但係佢準備好，夠彈藥、有強勁嘅energy（能量）所以佢可以去荷李活發展。」
他在回歸後兩年，寫過最少十個電影劇本，最後因為沒有人敢逆市投資而拍不成電影。「交親劇本都俾人掟番轉頭，有啲人同你傾傾吓突然又飛起你……感覺係苦㗎，但係你要生活、要理想、又唔甘心轉行，咁就要苦拼！」
最令他感觸，是回歸後的香港，地位跟大陸對調：「開始覺得有啲悲哀，以前大陸睇我哋頭，𠵱家我哋要睇大陸頭，香港開戲要靠大陸投資者，佢哋形勢比我哋強。」
阮繼志寫過四十多部電影劇本，稿費曾高達二十五萬元一部。他八八年入住清水灣豪宅，九三年物業市值達一千萬元。八九年他因車禍交上厄運，之後走路一拐一拐，由家住清水灣改租錦綉花園，至九九年，他更要帶着一家四口，重返母親彩雲邨老家居住。
「生活係好困難，唔係有困難都唔會搬屋，搬咗屋都係有好多困難要解決。」要將生活困難轉化為前進動力，他有一個創作人的妙方：「一路要畀幻想自己，要相信明天會更好、要積極、就要有幻想。」