特首成日叫人終身學習，睇多啲書，但係原來睇書都有好多學問，如果唔係好容易好似阿董咁學壞師。時事評論員洪清田噚日話，阿董好多時同學術界人士交流，都唔係好明人哋講乜，即使對住嗰個係佢嚟緊嘅智囊劉兆佳，一講社會學概念，阿董會茫無頭緒。
點解會咁呢？咪因為佢根本就冇社會學背景，成日以商業運作去理解累事。但係唔緊要，阿董將勤補拙，睇好多書。阿松曾經推介嘅《TippingPoint》、重有《新君王論》、《雍正皇朝》等，全部都睇，但係洪清田話咁重大鑊，因為佢冇社會學根基，就好似練武冇基礎，好容易走火入魔！
事實有冇咁恐怖？平心而論，八方覺得咁講係誇咗啲，但係好似《新君王論》作者Dick Morris講到強勢反擊，領導要用多啲手勢咁，阿董「現學現賣」，結果出嚟效果又真係冇自知之明。
傳真︰2623-9278
電郵︰