有望於今年底前正式推出嘅新版雷諾Megane房車，最近就有外國傳媒，率先披露咗部份關於此車嘅資料；當中新車獨特嘅造型，更為其賣點所在。
從預想圖中可以睇到，新版雷諾Megane造型與同廠嘅VelSatis相近，尤其係車尾部份，就最能將呢個特點展露出來；而一組炯炯有神嘅頭燈，襯以FamilyLook嘅鬼面罩配搭，亦能展現出一份獨特嘅個性來。至於車廂方面，廠方將會為新版Megane提供多項先進配備，從而為用家帶來更多方便；安全設施亦見充裕，以保障車上每位乘客嘅安全。
廠方更為選擇新版Megane嘅用家，提供有多台引擎配搭作選擇，當中包括有頂級版，所配用一台嘅2.0公升Turbo引擎，馬力輸出高達200匹。有興趣嘅車迷，不妨留意新車嘅確實推出日期喇。