有線昨日假九龍灣展貿中心舉行世界盃嘉年華，對於日前無綫足球評述員林尚義（阿叔）力斥有線批評講波着西裝一事，有線主持張達明竟改口風說：「有線條宣傳片，係我自己諗，其實我哋氣氛似開派對，入場睇波着西裝嗰啲人，我哋都會笑啦，我哋只係笑觀眾啫，唔知點解傳傳吓會傳到咁，其實我同阿叔好老友，佢講波好叻；我講波唔叻，只係識搞吓氣氛。」
任達華則說：「TVB有咁高收視，係因為有線之前幫佢哋鋪路，不過我唔認同用收視衡量，因為全港有線用戶有六十萬，香港酒吧有五千間，每間有百幾二百人睇波，呢啲又冇人去數？」
另外，梁漢文、傅珮嘉及王嘉明昨日往香港仔運動場出席商台「雷霆世界盃」活動，與一隊女子足球隊比賽。傅珮嘉身穿牛仔褲落場踢波，顯得雞手鴨腳。