德國足總為咗抗衡支持巴西嘅聲勢，今日決賽就會即場派發二萬支德國國旗畀現場球迷幫德國打氣，而德國足總考慮到有唔少德國球迷可能冇波飛入場，所以就安排咗佢哋喺赤坂睇大螢幕直播。
今晚巴西對德國嘅決賽，有成三十個國家嘅政府高層會到橫濱觀戰，當中包括德國總理施羅德；而日本會出動超過七千四百個警員負責呢班政要的保安，各國政要由東京去橫濱時，就會實施封路。
巴西領事館為咗照顧遠道而來的巴西球迷，今日決賽嘅橫濱國際綜合競技場附近一間酒店，設置咗一個臨時巴西領事館，如巴西球迷遇到任何問題可以去領事館搵人幫手。
記者梁國威橫濱直擊