喺剛過去嘅6月26日（星期三），首部平治Maybach62豪華轎車正式離開英國修咸頓港口，向美國紐約進發，以求在7月2日於當地作全球首度曝光。
為保障新車喺運送途中，唔會出現有損壞嘅情況，故廠方特別將其放入一度身訂做嘅玻璃櫃內，以確保運送途中準確無誤；而貨輪則於6月26日離開修咸頓，預計經過約6天半嘅航程後，就會到達位於美國紐約曼克頓，並在當日作全球首度曝光。
講番呢部平治Maybach62，可算係集多項先進功能於一身，除備有豪華兼寬敞嘅車廂空間外，更備有多項先進配備，如AIRMATICDC氣壓懸掛系統等等；而一台5.5公升引擎，馬力輸出高達550匹，用以驅動此車可謂綽綽有餘。