郭羨妮前晚為愛彼錶的宣傳活動擔任司儀，對於近日有報道指唐文龍與陳豪先後向她展開追求，郭羨妮稱不會受緋聞影響，而她也更不怕閒言閒語，最緊要是密密接工作。
郭羨妮（Sonija）出道以來，一直緋聞多多，與她先後傳過緋聞的計有古天樂、谷德昭及黃子華，而近日又有周刊報道，指唐文龍在拍《帝女花》時，曾向Sonija展開追求，卻慘食檸檬，故改而放風指陳豪追Sonija。
前晚郭羨妮出席假銅鑼灣時代廣場舉行的「愛彼錶RoyalOak三十周年紀念展覽」時，表示對緋聞感到厭煩。
身穿吊帶晚裝的Sonija說：「好煩呀，我唔想講，愈係講得多，就愈係令人覺得好似係真咁，我唔會理，呢啲嘢亦都影響唔到自己。」Sonija出道以來緋聞纏身，但是她說：「我絕對唔理呢啲嘢嘅，我唔怕人哋講，緋聞對我嘅工作亦冇影響，廣告照接，劇集亦都不停咁拍呀！」
Sonija更自言身邊朋友從沒過問她的緋聞，她說：「我啲朋友唔會問，識我嘅朋友都知我係乜人，會好了解我。」
此外，前晚一對新聞人物何超瓊及榮文蔚出席，而林建岳的女友Monica則披上購自巴黎的披肩和佩戴一個美國古董手袋赴會。
Monica表示其女兒已經兩歲半，將於今年九月入讀位於陽明山莊的幼兒園，問到BB女的樣貌似父親還是媽咪？Monica說：「似嗲哋多啲，但生BB一個夠啦。」
採訪：馮美茵
攝影：陳偉權