劉德華昨日下午於荃灣廣場，為一個書法比賽擔任評判，華仔更即席揮毫，引來數百名市民圍觀。而華仔對於與麥紹棠的官司，表示他只想把一切無理指控解釋清楚，以還自己一個公道及清白。
劉德華昨日中午於荃灣廣場，為「全港書法大賽暨千人寫書法創舉」擔任評判，在場大約有數百人圍觀，華仔更即席一顯身手，表演其書法技巧，而且更獻唱了一曲「中國人」，場面十分熱鬧。
對於有報道指麥紹棠有意約華仔商討官司一事，華仔表示：「我已經將所有嘢交晒畀律師，無論點我都係會循法律途徑去做，我只係想針對嗰啲無理嘅指控去為自己討番個公道同清白。」記者再問他是否覺得麥紹棠的態度漸漸軟化而令事件有轉機，華仔即回答：「我同佢冇正式見過面，但係我哋有交換過啲文件，如果佢有任何問題，其實最好係經律師去傾。而我亦唔方便講咁多，因為好多報道我都係從報紙上面睇番嚟，所以都唔知係真定假。最重要係我要將所有事解釋清楚，因為呢個係一個還我清白嘅機會。」
當記者問華仔的工作，有否受此事影響？華仔說：「其實暫時冇乜大影響，不過有人搵我拍戲時，都會問我究竟有冇問題，所以我都要同人解釋清楚成件事，好多落實咗嘅工作都冇受影響，但係有啲新合作夥伴就會有啲猶豫。」
採訪：李珮洳 攝影：羅德光