雖然「想像」與「現實」往往有距離，但難得巴西、德國在今日世界盃壓軸決賽碰頭，又難得天馬行空不用錢，又不用太花時間，一班「球迷」一於在決賽前狂想一番。
南華中場 岑國培 ：希望到時見到巴西李華度喺中路連過四個德國球員，再交個靚波畀朗拿度入波，造就朗拿度做埋神射手。
晨曦翼鋒 楊熙智 ：如果決賽見到巴西前鋒朗拿度一個人扭過三個德國守衞，射入一球靚波就好正嘞。
桌球手 陳國明 ：巴西一定無得輸，贏波後想朗拿度個老婆同個仔衝落場錫「哨牙仔」。
壁球手 趙詠賢 ：好想見到兩個哨牙仔––朗拿度同朗拿甸奴入完波後互嘴，效果應該好搞笑。
前香港武術代表 吳小清 ：好鍾意朗拿度嗰頭，好cute，希望他會保持這個髮型。想他們唔好出艾迪臣，佢四強表現麻麻。
藝人、業餘球評家 張國強 ：想見到卡洛斯在幾十碼外勁射入網，而簡尼又飛撲唔到。
香港單車聯會義務秘書 陳鎮鴻 ：不管是誰入都好，想見到巴西隊係開波一分鐘入波。
保齡球手 林艷 ：想朗拿度keep住個「大喊十」頭，然後贏咗世界盃冠軍後即場剃光，最好由教練操刀幫佢剃啦！
田徑選手 鄧漢昇 ：希望見到4R（朗拿度、李華度、朗拿甸奴、卡洛斯）都入到波，最好朗拿甸奴入完波後再被趕離場，再睇吓佢嘅搞笑表情。