王喜和黃貫中最近準備搞一個去尼泊爾的五日四夜體會團，與十多位團友一起到當地的農村和窮鄉僻壤，每位團友費用約五千多元，八月二十日起程。
黃貫中前晚在尖沙嘴說：「我同王喜搞呢個團，最主要目的都係想畀啲港人知道，世界上重有好多不幸者，而香港人真係好幸福，我同王喜希望今次同行嘅港人，或者冇同行嘅都可以了解自己活喺幸福中。以前我去過唔少落後地方，所以今次去尼泊爾唔擔心適應唔到，不過我會帶備清水丸，以備不時之需。」
王喜雖然是搞手之一，但同樣要支付自己的團費，王喜說：「恭碩良都有報名，我覺得呢個團好有意義。重有，對於我去南灣曬太陽俾人影相，我唔覺得有乜特別，但如果因為我嘅股罅可以俾啖飯人食，我都冇嘢講。」