唐英年聽日就上任做工商及科技局局長，佢噚日上港台節目做嘉賓，神采飛揚；八方忽然諗起現任工商局局長周德熙做埋今日就要退位讓賢，真係應咗一句中國老話：「只見新人笑，不見舊人哭」。
唐英年曾經私下同周德熙傾過，想佢繼續留任政府其他部門，因為佢對香港有好大貢獻，所以希望佢唔好咁快退休，繼續為特區服務，但係「周生想休息一段時間」。
咁唐局長認為有邊個職位啱周德熙呢？唐英年就話委任政府官員係老董嘅權力。
話時話，馬時亨獲委任局長後，即刻申報利益，辭去電盈財務總監高職，重話會沽晒所持電盈股票。
而唐英年亦辭咗家族生意半島針織廠及美維科技主席之職，但就冇正面回應會唔會沽售所持全部股票。
傳真︰2623-9278
電郵︰