李嘉欣三年前在台灣因吃麻辣火鍋，返港後心跳每分鐘達一百九十多次，被送入醫院的深切治療室八個小時，花了六位數字的醫藥費。另外，原來現年三十二歲的李嘉欣，二十多歲時已訂立遺囑，以保障家人。
李嘉欣昨日出席「聯合國兒童基金會青年使者2002」於沙田新城市廣場舉行的青年使者委任禮，頒發委任證書給三十九位來自全港三十六間學校的中學生。
現年三十二歲的李嘉欣知道謝霆鋒昨晨撞車被送入深切治療部後，她透露原來於三年前她也曾因貪吃麻辣火鍋而被送入深切治療室，嘉欣更於二十多歲已訂立遺囑。
李嘉欣說：「我同謝霆鋒唔熟，但大家都合作過，希望佢冇事啦！聽到佢入深切治療室我覺得好驚，因為我都試過入深切治療室。三年前我去台灣做嘢，聽人講話麻辣火鍋好食，所以同工作人員去食，但我唔知真係咁辣，食完之後，我覺得個心好唔舒服，但都一直忍住，諗住捱到返香港先算。」
李嘉欣續說：「我搭飛機返到香港嘅時候，個心好似要跳出嚟咁，於是去咗醫院，送咗入深切治療室。當時我嘅心跳，每分鐘有成一百九十幾吓，屋企人嚟探我嘅時候，個個都愁眉苦臉，我喺深切治療室八個鐘頭，打咗支針，最後冇乜事。
「但一到埋單嘅時候就嚇咗我一跳，醫藥費要成六位數字，估唔到食一餐麻辣火鍋，竟然咁貴。」
記者問李嘉欣經歷此事後，可有想過訂立遺囑，李嘉欣說：「其實我二十幾歲嗰陣已經訂立遺囑，主要都係想保障屋企人。」
採訪、攝影：陳梅香