何超瓊信榮文蔚不會放料

何超瓊與榮文蔚昨晚同到銅鑼灣時代廣場，出席「愛彼錶RoyalOak三十周年紀念展覽」活動，據最新一期《壹週刊》報道，近日慈善家何伯長孫何柱國與何超瓊秘密來往，而今次事件曝光，據悉是何超瓊的好友對外放料，與何超瓊十分要好的榮文蔚亦是嫌疑人物之一。
對此榮文蔚昨晚說：「我有睇報道，如果係佢（指何超瓊）閨中密友就唔會講呢件事啦，都唔係事實，係邊個，我就唔知。好難講呀，我係好清楚佢嘅行蹤，大家成日一齊玩，包括何生（何柱國），大家都係普通朋友啫。」

「佢好清楚我」
何超瓊則表示相信榮文蔚不會出賣她，何超瓊說：「我有睇（報道），寫到好似榮文蔚放料咁，冇可能囉，佢好清楚我、好熟我，但啲嘢係無中生有，啲人唔知我哋（與何柱國）本身係認識，先會咁講。」