美股連續兩日大幅反彈，噚日港股早市一度升近10700，但長假期前，投資者午市自然獲利回吐，鎖定利潤，恒指升幅收窄至80點，收10598。
港股上半年埋單，共跌799點，累積跌幅7%，表現的確令人失望，主要關鍵係恒指5月17日喺12021見頂，跟住個半月內大跌1730點，跌幅14.4%，否則港股表現都唔會咁差。
再睇番恒指過去2個月走勢，用「五窮六絕」嚟形容的確十分貼切，而6月份最後兩個交易日，恒指終於出現較似樣反彈，似乎為7月「翻身」鋪路。
其實5月及6月，趙飛雲可以做得好啲，首先係恒指見頂時，感情用事唔買Put輪，其次係太謹慎，當恒指前日重返10400之上唔夠決斷追貨，所以炒短線用電腦Set盤代替人手，有時更能捕捉到轉角市。
讀者不妨觀望恒指下周能否升破降軌阻力10730，才決定是否追貨，目前暫宜視作技術反彈。
新地（016）噚日升至20日線（現處60.25元）受阻，若守穩10日線58.50元，可買入第1注。
趙飛雲