噚日講開超人李嘉誠去咗汕頭，除咗出席汕頭大學畢業禮，佢重為自己捐咗七千萬元人民幣興建嘅聯合國際汕頭眼科中心主持開幕，候任教育統籌局局長李國章同林順潮亦有出席。
呢間眼科中心甚有來頭，由汕頭大學同香港中文大學聯合成立，而中國首項眼底血管導通手術就係喺呢間中心成功進行。超人喺開幕儀式上講，眼睛係心靈窗戶，失明係人生最可怕嘅殘疾，令喺黑暗中等待嘅人重見光明，係世上最有意義嘅事。佢重話潮汕人向來團結，所以希望潮汕鄉親喺捐贈眼角膜方面，唔會令人感到保守同落後。「㗎己冷」收到啦！
傳真︰2623-9278
電郵︰