中國國家隊第一圈連敗3場提早返國，大家都知下下下幾屆都好難見到佢再入決賽周，世界盃掀起的民族熱情瞬即冷卻，就像一次小感冒。記得流行曲都話失戀像感冒，又的確幾似，不過中國隊未能使人患得患失。
不過最終同組巴西入決賽，土耳其入4強，講波佬話其實呢組先係死亡之組，真係識講笑兼自我安慰，阿Q精神作用，即刻對國家隊有番啲信心。
天梭表有奧雲，而這隻寶華利就以孫繼海宣傳，又白金又鑲石又限量1,000隻（孫繼海獲贈17號，與球衣號碼一樣），價錢唔平，當然特別為02世界盃作紀念設計，編號1000的更預算送贈第一位在決賽周入球的球員，成事當然有特別意義，可惜；更可惜係隻表遲遲先小量到港，世界盃都打完咯，要買係最後機會。
記者：何兆彬
售賣點：
大昌行（25437636）中環德輔道中272號地下
裕華國貨（23840084）佐敦彌敦道301號３樓鐘表部