喺入境處工作咗二十八年嘅入境處處長李少光，好快就會調任做廉政專員。噚日佢喺入境處為佢而設的歡送檢閱儀式上，話最難忘係居留權事件，尤其前年八月發生縱火案，令佢痛失一位好同事，𠵱家佢依然感到好惋惜！
佢又話智能身份證會喺明年中面世，而特區護照亦由九七年得三十八個國家及地區畀免簽證待遇，到𠵱家增至一百一十三個，因為佢同啲同事過去幾年經常去歐洲、中美洲同南美洲嘅國家游說，先有咁好嘅成績。八方聽到當堂好羨慕，可以去咁多地方，真係好似環遊晒個世界咁滯！
傳真︰2623-9278
電郵︰