林敏驄早前被淋香檳，令老婆陳伶俐與李克勤和陳百祥展開罵戰，前晚三人在無綫碰頭，起初林敏驄表示撐老婆陳伶俐，但後來他竟與阿叻及克勤搭膊頭合照，即使對方揶揄其妻，亦未有還擊。
譚詠麟、陳百祥（阿叻）及林敏驄前晚到電視城任《世界盃四強鬥強》節目嘉賓，而李克勤則與林尚義等主持節目。
林敏驄早前因嘲笑韓君婷等女星而被阿叻及李克勤當眾淋香檳，惹來其妻陳伶俐不滿而與克勤及阿叻展開罵戰。前晚當阿叻與克勤還未到場，林敏驄接受訪問談到克勤時，他大撐老婆說：「我好大量㗎，原諒咗佢（克勤）啦。今次係佢哋誠邀我嚟。我老婆唔係嬲，不過佢對克勤觀感改變咗。」林敏驄更說：「我百分百撐我老婆呀，佢簡直美貌智慧並重，係港姐中最好嘅。」
但後來阿叻和克勤到場後，林敏驄的態度竟作一百八十度轉變，他攬着阿叻及克勤合照，阿叻還當眾窒陳伶俐：「我哋呢啲勁過夫妻啦，唔使床頭打交就床尾和。」
克勤在節目直播時亦說：「我好驚見阿驄㗎，費事一陣又俾佢老婆鬧呀。」林敏驄仍保持笑容，未有還擊。
雖然林敏驄與阿叻在鏡頭前搭膊頭合照，但鏡頭後卻沒有傾談。事後阿驄被問到有否與阿叻交談時，他前言不對後語，開始時他說：「我哋有傾偈呀。」之後林敏驄解釋：「我搵唔到佢嘛，見到就會講㗎啦。」