我Apple姐成日都話啲男人結咗婚生埋仔就會修心養性㗎啦，好似姚樂碧嘅前夫唐景康就係一個好好嘅例子，雖然佢成日都有啲追債新聞傳出，但係對佢嘅生活質素似乎毫無影響。 司機接送 我上星期喺中環鏞記食晚飯時，遇見佢同太太Tammy及一對龍鳳胎敍天倫。 席間佢都不知幾細心咁照顧對仔女，睇落佢對仔女都成兩、三歲，已經識行㖭！見佢哋一家四口不知幾咁開心，有埋司機接送，所以我就覺得佢嘅經濟問題唔係好似啲追債報道講到咁嚴重啫。