容祖兒前晚舉行音樂會，撞正世界盃有賽事進行，連每次祖兒開騷都例必捧場的楊受成，都為看球賽而差點忘記送花籃，祖兒不禁罵道：「呢個世界盃真係不知所謂！」
容祖兒前晚在灣仔會展演出商台《拉闊音樂會》，還請來師妹Twins任嘉賓，好友何韻詩及余文樂則到來捧場。適逢前晚世界盃進行巴西對土耳其賽事，祖兒在台上說：「今晚巴西對尼古拉喎！唔係，係對馬尼拉呀。」台下觀眾隨即大叫說：「係土耳其呀。」
祖兒似乎對世界盃熱潮感到不滿，她接受訪問時透露，以往每次開騷都例必捧場的英皇老闆楊受成，就是為了看波，竟然忘了送花籃給她，祖兒說：「呢場賽事吸引力好大，我好怕唔滿座，好彩都滿咗。好多人都睇世界盃冇嚟到，呢個世界盃真係不知所謂，連楊生都唔記得送花籃，個花籃成八點先送到嚟，都係秘書提佢先至記得，不過後來老闆都有打嚟畀我話goodshow。」
雖然楊受成沒到場，但祖兒的父母則分別到來支持。因祖兒前晚唱慢歌較多，似乎未能帶起觀眾情緒，現場反應不算太熱烈，祖兒還即席問觀眾是否很悶，誰知竟有觀眾點頭，祖兒即說：「激氣，居然話悶？唔係好悶啫，我已經好畀心機唱。」
反而到祖兒表演快歌及Twins出場時，觀眾才顯得較為興奮，到Twins落台，祖兒竟說：「我幾慶幸有呢兩個同我一樣咁低B，都係唔講咁多。」祖兒又笑道：「我希望今晚用歌拉近距離，我知自己講嘢有缺陷，disable，少講少錯，唔講唔錯。」事後提到觀眾反應平淡，祖兒說：「可能平時我又唱又跳，但拉闊係以歌為主嘛。」
採訪：卓美娟 攝影：馬啟然