半全場巴西和/A
首球獨敲朗拿度

決賽巴西初盤讓德國半球，根據巴西今屆表現，要捧呢隊四屆冠軍嘅朋友，就要睇清楚個盤有乜走勢，到臨場至決定出擊最實際。至於半全場盤巴西最旺「和/A」，首名入球球員就只宜單敲朗拿度。華度

巴西亞洲盤贏得清脆
自從分組賽首戰對土耳其時輸走半個盤之後，巴西即成捧場客恩物，連續四場亞洲盤贏得清脆利落，至前日準決賽再對土耳其時走盤。若以最後水位計算，今屆長捧巴西共有逾三倍回報，似乎比起噚日介紹過嘅德國更抵捧。不過，巴西今屆很多時都係以較低水位開盤，要到臨開波前一段時間，至會出現一「浸」飛，令到讓球盤口跳位及轉高水，對比利時及哥斯達黎加就係最好例子。所以要捧巴西嘅朋友，如果見到個盤一直無乜點郁，不妨再等多陣至出擊。

淘汰賽多開「和/A」
從十六強賽事開始，巴西隊喺三場淘汰賽都能夠保住半場不敗，但係又贏唔到對手，或者因為淘汰賽不容有錯失，連呢支「森巴雄師」都唔敢太過急進有關。事實上，分組賽之後嘅十四場淘汰賽，有五場都係開「和/A」呢瓣，接近四成嘅出現比率相當高，值得喺決賽再追多口。

「首名入球者」忌犯本
李華度雖然位置上係中場，不過佢嘅入球能力已經係不用懷疑，每一場都會係僅次於大熱門朗拿度嘅次熱門，分頭一般只有四至五倍；就算卡洛斯，往往都因為助攻能力出色，以及有罰球叫胡，往往都只係十至十二倍分頭。所以講到值博率，巴西球員真係欠奉，要敲都只宜單吼一個朗拿度，切忌犯本式出擊。