早前《壹週刊》報道合和集團主席胡應湘的夫人胡郭秀萍前往英國黑池觀看國際社交舞大賽時，與舞蹈老師約會。昨日胡太大方淡定首度回應，她表示香港有言論自由，她不會理會有關報道。
五月底一班超級富豪太太包括鄭家純夫人葉美卿、郭炳聯夫人劉寶賜及胡應湘夫人郭秀萍等，前往英國黑池觀看國際社交舞大賽時，被《壹週刊》拍得她們分別與社交舞老師約會的照片，報道更指她們對老師非常細心。
早前郭炳聯夫人劉寶賜被傳媒發現與一男士在金鐘太古廣場購物，當二人發現記者時，郭炳聯夫人更不惜撇下男伴，獨自離去。而新一期《壹週刊》又再度拍得胡應湘夫人郭秀萍和舞蹈老師、有舞王之稱的尹衛東在上周六（十五日）及日（十六日），在灣仔和銅鑼灣一帶逛街的照片。
昨日胡郭秀萍以評判身份往中環文華酒店，和前乒乓球好手陳丹蕾等人齊出席「第四屆國際南洋珠寶首飾設計比賽」記者會，胡郭秀萍甫出現即被傳媒包圍，她亦氣定神閒地作出回應，她說：「我有朋友話畀我聽有篇咁嘅報道，因為我好少睇呢啲雜誌嘅。我覺得佢哋有言論自由，佢哋鍾意寫乜都得，啲人鍾意點睇就點睇啦。」
問胡郭秀萍會否因有關報道而減少跳舞？她說：「我相信唔會有任何理由影響到我嘅生活，我唔會俾人拖住走。」再問她是否覺得報道所用字眼十分曖昧，她說：「人哋嘅用語係點，我控制唔到，但係亦都唔會影響到我。」
至於報道出街後，其夫胡應湘有否過問有關細節，她說：「我都冇時間睇呢啲雜誌，何況我先生？佢好忙，成日要出門工作，我哋都唔覺得呢件係乜嘢大事。而且我先生從來冇反對我跳社交舞，呢篇報道亦冇影響我同我先生嘅關係。」胡太又表示她往英國黑池看跳舞比賽的習慣已有多年，她說：「通常每年我都會喺嗰個時間去歐洲玩，順便睇埋比賽。」