小記經過近一個月喺南韓工作，體驗世紀盛事，留下最深刻印象，莫過於南韓「紅魔鬼」球迷強而有力、氣勢澎湃嘅感染力。
其實，南韓球迷打氣嘅方式與舊日冇變到，但今次隨着南韓隊屢創佳績，上街的球迷亦屢破紀錄，聲勢愈來愈大；無論在球場內或在各大城市廣場，均震懾人心，難怪不少外國遊客也要加入紅魔鬼行列湊熱鬧。
南韓人民在今屆世盃嘅團結表現，真令不少亞洲人感到汗顏，原因是當地好多市民，包括的士司機、服務員、學生等等，均自願抽時間去學外語，以便協助世盃期間的外國球迷；單是這份心意，就足以令「自掃門前雪」心理掛帥的其他國家人民反省。
喺新聞中心每當行家或工作人員，見到小記個證件知道係嚟自香港，佢哋都會講出BruceLee（李小龍）個名出來做話題；唉，都咁多年，香港就只有李小龍可以「衝出亞洲」，對香港嚟講，從另一角度，可以說是哀歌，相對於南韓「紅魔鬼」，香港真的要急起直追。