旅遊發展局新出一本《香港之最》小冊子，列舉香港威水史，總共有104項，話要鼓勵讀者主動向訪港旅客介紹，連李嘉誠、郭氏兄弟同李兆基都搬埋出來，原因係佢哋入到《福布斯》全球首100位富豪喎！
香港其他榮獲全球之最嘅項目，除咗熟口熟面嘅天壇大佛、青馬大橋、汀九大橋外，重有由「金廁所」（圖）創出最豪華同最貴廁所紀錄、沙田可口可樂廠係全球最高汽水廠、沙田「史諾比開心世界」有全球最大嘅戶外史諾比模型、香港賽馬會係全球最大非牟利賽馬俱樂部等等。
不過，最易被人忽略嘅，可能係「相信是全球最物超所值的海上觀光旅程」，即係坐天星小輪遊維多利亞港。
傳真︰2623-9278
電郵︰