二十位準港姐日前開始分開四組玩《一觸即發》，結果每個參賽港姐都非常「騰雞」，還有位佳麗嚇到想喊。
前晚6號至10號候選港姐到電視城錄影《一觸即發》，起初影大合照時，幾位參選港姐已經手騰腳震，表現得最驚的是7號余詩韻，她說：「係好驚，其實我好鍾意玩過山車，不過未試過玩呢個遊戲先咁驚，尤其係個窿打開嘅時候。」下圍豐滿的余詩韻，前晚清減不少，看來減肥已有成績。而前晚節目則由6號林慧勝出。
另外，昨日輪到11號至15號候選佳麗錄影《一觸即發》，比賽未開始，黃子華要求摸一摸幾位港姐，14號黃珮妍即自告奮勇，上前給子華輕輕掂手仔，她說：「子華好靚仔呀！」但13號蔡潔雯及15號胡家惠則不肯就範。最後由14號黃珮妍勝出。採訪：王崇穎、卓美娟