在董家班「估領袖」遊戲中，自由黨主席田北俊一直穩守行政會議，卻沒有興趣當問責局長。田少接受《茶杯》訪問時，直言問責局長責任多多，權力卻少，而且又唔係穩操話事權，公務員又唔可以炒，唔可以鬧，好鬼難做；而且部長只專責自己部門工作，一定好悶，田少梗係怕怕。
田少一登龍門，《茶杯》當然比個封面主角佢做（連保安局局長葉劉淑儀也得靠邊站！）佢喺訪問中重話，細佬田北辰從政比佢強，因佢只會叫自由黨發新聞稿，但細佬卻可一晚覆十個記者電話。八方身為傳媒人，當然希望大佬學吓二少，咁就好嘞！
傳真︰2623-9278
電郵︰