上星期介紹過$40日本名牌時裝開倉，今個星期更正更抵，搜羅了千多個靚靚手袋貨辦，以特賣價$10起發售，部份貨色同大型百貨公司如連卡佛、Jessica、西武等同款。提提你，由於是貨辦關係，每款只有一至兩個，所以揀啱就唔好放手。大家認為最超值的$10款式，雖然也有二百多個，但小記奉勸大家要早啲排隊選購！
記者：陸伊琳 攝影：陳智良
Model：Jessica
今次開倉，$10可以買到一個隨時用上三、五、七年的輕便袋，其質料選用較厚身的布料製造，耐磨襟用，款式屬大路襟興款，內裏有三格設計，更顯實用，備有紅色及卡其色選擇。
尺寸：30cm×21cm
市價：約$150
開倉價：$10
Pochette（信封式女用手提包）是LV的熱賣款式，如果你鍾意Pochette這個款式的手袋，但又唔捨得買貴價LV的話，不妨以$10購買呢個尼龍網Pochette，質料獨特時尚，用作化妝袋或是出街手袋同樣合適。
尺寸：22cm×13cm
市價：約$120
開倉價：$10
燦爛的花紋，Size大大個，就係呢個袋嘅最大特色。內裏選用一層防水質料製造，而且容量夠大，可以擺放大量物件，最宜戶外活動及去游水時使用。隨袋另附有一個小袋仔，襯埋一套，可愛醒目。
尺寸：45cm×28cm
市價：約$150
開倉價：$100兩個
袋的手挽及底部選用優質皮革製造，成本特高，配合袋身的時尚尼龍斜紋質地，高雅大方，袋內有兩個暗格，設計精巧，至適合白領麗人選用。
尺寸：34cm×20cm
市價：約$150
開倉價：$100兩個
不是冬天才可以用麖皮，只要花點心思，麖皮一樣啱夏天使用。就好像這款袋，手挽及頂部選用麖皮製造，麻布的袋身上面加有一朵朵白色立體膠花，冬天質料配上夏天質料，給人帶來無限的意外驚喜。
尺寸：27cm×19cm
市價：約$150
開倉價：$100兩個
呢個以八種不同顏色皮製成的手挽袋，袋的大細適中，可放下A4Size文件，為姊妹們在沉悶的上班服中增添色彩。
尺寸：35cm×30cm
市價：約$350
開倉價：$200兩個
近年興起把大大個動物圖案放到手袋上，這款手袋起用大家較少接觸到的大嘴鳥為主題，色澤鮮豔，上面加有精緻的小膠珠點綴，配襯一身夏裝，走在街上肯定搶鏡。
尺寸：30cm×23cm
市價：約$380
開倉價：$200兩個
呢個長身手挽袋，款式簡約大方，設計獨特時尚，屬易襯之選，紅色麻布質料，啱晒炎炎夏日，用作上班擺放簡便文件，大方得體。
尺寸：34cm×30cm
市價：約$280
開倉價：$200兩個
雖然夏天多以淺色系列為主，但如果你始終鍾情深色手袋的話，呢款必然合你心水。袋款屬襟興耐用款式，白色皮包邊配上核心的黑色布料，黑白分明，簡單高雅，一年四季都合用。
尺寸：34cm×21cm
市價：約$780
開倉價：$250兩個
呢個黑色手挽袋，小記認為是全場最抵買的款式之一，全個選用優質皮革製造，再加上容量特大、款式高雅大方，價錢超平，必成搶手貨款。
尺寸：40cm×27cm
市價：約$640
開倉價：$250兩個
這個手挽袋選用了牛仔布作為主要質料，款式高尚得來略帶Casual，上班或Shopping攜帶同樣合適，另有卡其色選擇。
尺寸：35cm×31cm
市價：約$560
開倉價：$250兩個
若嫌上述款式太過成熟，不太適合平日放假帶出街使用的話，這個手袋是一個不錯的選擇。佢選用優質布料製成，袋身選用火辣紅色，配上白色皮帶及大扣作點綴，配襯一身健康的短褲及小背心，一定可引起別人的注視。
尺寸：27cm×22cm
市價：約$680
開倉價：$250兩個
手袋特賣資料
日期：即日起至7月1日
時間：11:00am-10:00pm
地點：佐敦彌敦道219號莊士倫敦廣場1樓106室
查詢電話：27253699