金禾國際（090）噚日公布配售4.8億股新股，每股作價1.1仙，雖然新股佔已擴大股本7.4％，但集資淨額只得490萬大元，最奇怪係金禾剛剛供完股，集資2630萬元。
經紀陳同小初講親金禾都係咁呻，好似佢揸咗好多。佢問今次金禾點解要配售新股？小初估計可能係間公司等錢使。
不過，經紀陳就話唔信，佢話早前市場都傳過金禾供股一事，可能係引入大檸檬作外援幫手。供完股無耐，金禾第二大股東裕豐（965）就悉數沽清所揸住嘅金禾股份，你話事件幾咁玄妙。
今次金禾批股，經手人好似又同大檸檬有關連，橫計掂計，真係咩貨都收乾收淨，而且愈收愈低。
不過，市場似乎對大檸檬收乾金禾一事唔太欣賞，隻股噚日跌8.3％，收11仙，啱啱等於配售價，沽盤睇落唔細。
慕容小初