李彩樺、鄧健泓、薛家燕及一班無綫兒童節目主持人，昨日出席假尖沙嘴美麗華酒店舉行的《TVB兒童節2002》記者會。
李彩樺穿着背心短裙，問她怕不怕走光，她說：「唔怕，但係就唔可以着太短嘅裙，因為我大髀內側有兩條疤痕，係細個幫媽咪煮飯整親，重有就係試過上斜路有人裝我裙底。」問李彩樺有否遇過鹹濕佬，她說：「讀書時，坐電車就見過露體狂，我同個同學坐佢對面，佢無端端攞出嚟！咁我咪同個司機講囉！」
此外，薛家燕將在下月舉行的書展，推出一本名為《家燕媽咪》的漫畫書，她說：「因為我曾經被選過係最理想媽媽，所以咪有出版商叫我出本以我個樣做主角嘅漫畫書，裏面重有我三個仔女。」
採訪：楊潔雯
攝影：陳偉權