金鐘太古廣場地庫有間西式大型超市，我肥師奶耐不耐都會去行吓，諗住買啲西式材料做西菜。殊不知無意中就見到呢款軟殼蟹。
平日我要買軟殼蟹都只係到凍肉舖買，都未試過見到賣海鮮嘅地方有得賣。呢款軟殼蟹來自泰國嘅，係冰鮮貨，比起急凍貨較大隻，而且因為無雪得咁耐，食落鮮味好多。一隻賣二十五蚊，都算價錢合理。
我肥師奶最鍾意煲湯畀屋企人飲，既好味又能調理身體。呢排我留意到呢種國醫堂湯包系列，分別有健肺潤喉湯、清肝明目湯、清熱美顏湯同降糖健脾湯四種口味。呢系列湯包由著名中醫師陳國聯調配，而且用上野生中草藥來作材料，跟一般普通湯包不同。而上述幾種湯包除有補療功效，普通家庭作家常湯水飲用也很有益。
文：肥師奶