新一屆香港小姐競選正舉行得如火如荼，身為九八年港姐季軍的吳文忻，自然有留意今屆佳麗，她日前說：「今年啲女仔嘅質素好平均，有幾個都幾靚，我覺得笑容對啲佳麗好重要，因為笑容會係靚同親切嘅表現。」
吳文忻又以師姐身份，向參賽的小師妹教路，她笑說：「喺我嘅經驗嚟講，參賽嗰兩個月係好辛苦嘅，選港姐係會令到啲女仔好殘，但係你捱到殘重可以企出嚟見得人嘅話，妳就一定得。重有喺選美期間，千祈唔好俾啲唔好嘅新聞搞到自己冇信心，我選美嗰年，都有人寫我係陪跑一族㗎，所以唔好俾呢啲字眼傷到自己。」
吳文忻又認為佳麗之間不應互作比較，她說：「二十個女仔入到圍就各有各好，攞嚟比又係令自己唔開心，要注重自己嘅心理質素，咁至可以保持狀態。」
採訪：朱芷瑩 攝影：馬啟然