話咁快又回歸，國家主席江澤民又再南來；以往佢訪港，都下榻超人李嘉誠旗下嘅紅磡海逸酒店，住總統套房。回歸五周年，知道江主席會來港，海逸酒店於是隆重其事，斥資一千八百萬元，增設一間三千方呎嘅全新總統套房，以接待貴賓。呢房間除一般設施齊備之外，更加裝有防彈玻璃、按摩浴池。不過，八方收到料，今次江總來港只停留十多個鐘頭，可能辜負超人一番心意。但紅磡市民就有福囉，因為唔使封路，而各位闊佬，如果想同江總一樣住下呢個總統套房，三萬蚊就得！
至於超人旗下剛開業嘅紅磡都會海逸酒店，毗鄰紅磡體育館，酒店諗咗一條宣傳好橋，就係斟開演唱會嘅歌星入住，兩位暑假開騷嘅青春偶像陳慧琳、楊千嬅，當然成為招手對象。八方聞說，楊千嬅已決定喺該酒店擺慶功宴，到時大班fans雲集，又有娛記影相報道，實大受宣傳之效。
傳真︰2623-9278
電郵︰