無綫新劇《衝上雲霄》昨日在赤鱲角國泰城舉行記者招待會，穿上空中小姐制服的陳慧珊（Flora），更被外籍人士詢問是哪一間航空公司的職員。其後她又為無綫高層何定鈞送上飛機餐。
陳慧珊（Flora）、吳鎮宇、馬德鐘、葉璇、胡杏兒、鍾麗淇、陳秀珠及蘇玉華等，昨日於赤鱲角國泰城出席無綫新劇《衝上雲霄》記者招待會，眾演員均穿上航空公司的制服現身，飾演空中小姐的陳慧珊，更被外籍人士上前搭訕，Flora說：「頭先我着住呢套制服落咗去下面買嘢食，點知有個外國人嚟問我係邊間航空公司嘅，我咪笑住答佢乜你睇唔出咩！不過個外國人都靚仔嘅。」
無綫總經理何定鈞昨日亦有親自出席，更即場充當頭等艙客人，由Flora及鍾麗淇兩位空中小姐款待，並送上價值千多元的頭等艙飛機餐。問何定鈞覺得Flora的表現如何時，他笑說：「有咁嘅成績都唔錯，佢哋唔係專業，所以冇得比較。」至於Flora則說：「專業嘅要訓練二十六日，我哋只係訓練兩日半，其實做空姐有好多規矩，同埋都幾辛苦。」
此外，吳鎮宇被問到前度女友李婉華快將結婚，可有致電恭喜對方時，他說：「冇打畀佢，𠵱家資訊咁發達，打電話都冇你哋咁詳細。女仔比較怕醜，就算真嘅都唔想公開啦。」
採訪：王崇穎 攝影：陳烱威