呢個星期又熱又焗，站在街上短短數分鐘，已經汗流浹背，甚至全身濕透，令人非常唔舒服！要對抗炎熱，一把迷你風扇絕對是消暑良伴。今夏推出的小風扇，除咗風力強勁，立時令你暑氣全消外，外形亦十分過癮，放在枱頭又或隨身攜帶均可，以後就唔怕一身臭汗啦！
記者：區佩嫦
攝影：黃子偉
ImageGirl：Vicki
天氣咁熱，最好有個雪櫃跟身，那麼凍飲就可以源源不絕啦！咁完美的想法，當然無法實現，但帶個雪櫃仔出街的想法就容易辦到，好似呢個迷你雪櫃形的風扇，便符合雪櫃隨身帶的要求，彩綠色夠晒搶眼，而且全個用膠製成，唔算太重，亦可作枱頭風扇使用，效果一樣咁好。
尺寸：約33吋闊、7吋高、3吋深
電源：2粒中電
售價：$128（BearInMind）
這把小風扇外形帶點七十年代的膠風扇Feel，再加上灰襯白的顏色，帶點褪了色的古舊感覺，充滿濃濃的懷舊味道。全把風扇用膠製成，較為輕身，而風扇更可以上下郁動，雖然幅度大約只有30度，但以小風扇而言，尚算靈活。
尺寸：約3吋闊、6吋高、32吋深
電源：2粒大電
售價：$78（BearInMind）
夏天的水果特別鮮甜多汁，尤其是鮮紅欲滴的士多啤梨，深受愛健美的女士們歡迎。這把小風扇便以士多啤梨為賣點，再加上滑鼠形的外貌，夠晒可愛。扇身附有頸繩，可座枱亦可隨身掛，夠晒方便。
尺寸：約22吋闊、42吋高
電源：2粒2A電
售價：$25（SugarTown）
公司內冷氣唔夠勁？不如自備一把座枱風扇仔，這把迷你版鴻運扇，只有62吋高，夠晒輕巧，而扇面更與真實版嘅鴻運扇一樣，可以360度轉動，送風角度夠全面。放在枱頭，除了送你陣陣涼風外，亦是不錯的擺設。
尺寸：約5吋闊、62吋高、22吋深
電源：2粒中電
售價：$98（BearInMind）
世界盃絕對是近期的焦點所在，唔識踢波唔識睇波，又想湊湊這股熱潮的話，不如買呢把以球類運動作為主題的小風扇。風扇的摩打位置做成各款球類，全套有齊足球、棒球、網球等，單靠過癮的外形已經夠晒煞食。
尺寸：約22吋闊、44吋高
電源：2粒2A電
售價：$30（積奇）
呢把以酒樽為外形的小風扇，最啱劉伶一族。樽身用膠做，觀感與晶瑩剔透的玻璃樽無異，極具真實感。而扇葉則收藏在樽頸部份，只要打開樽頸，再開啟樽身的開關掣，涼風便立時送上。風扇扇身配有長繩，可以把風扇掛在頸上，夠晒方便。
尺寸：約22吋闊、5吋高
電源：2粒2A電
售價：$38（BearInMind）
這款風扇的款式與球類運動風扇相類似，不過其把手位變成了罐裝飲品，有綠茶及果汁任君選擇，不過最過癮是風扇頂部的波波摩打上，印有搞鬼得意的大頭圖案，極之搞笑。
尺寸：約22吋闊、44吋高
電源：2粒2A電
售價：$30（積奇）
要掩蓋街上路人的臭汗味，小記便推介這款附有香珠的小風扇。風扇的外形恍如蘑菇般，的的骰骰，夠晒Cutie，當啟動風扇時，隨風而來的香味，肯定令你精神為之一振。
尺寸：約22吋闊、3吋高
電源：2粒1.5V"N"電
售價：$20（金陞）
店舖資料：
積奇精品（23807792）
旺角潮流特區3樓27號舖
金陞（27821808）
旺角潮流特區1樓20號舖
BearInMind（29920200）
銅鑼灣金百利257號舖
SugarTown（21341450）
旺角潮流特區3樓04號