一直盛傳與大生家族成員馬清偉已簽分居書的Ball后馬薛芷倫，近日不斷被拍得她與不同男伴約會的照片。日前她與一外籍猛男的親密照登上雜誌封面，一直不作回應的馬薛芷倫亦按捺不住，直指對方目的是想博出名。
大生銀行家族成員馬清偉太太馬薛芷倫雖淡出Ball場多時，無奈仍屢次被傳媒追蹤。她近來接連被拍得與男伴約會的照片，其中更包括外籍猛男，但她每次都不作回應。
昨日馬薛芷倫（Fanny）與一名在保誠亞洲集團任職的外籍男士CunardDerek的合照登上周刊封面，報道指二人打得火熱，更指Fanny曾在Derek位於堅道的家中作客。Fanny昨日接受本報電話訪問時首次剖白，指今次有人存心布局、自編自導自演作古仔，有人想出名和博見報。
Fanny說：「我每一次睇到呢啲我同朋友去玩而俾人大做文章嘅古仔，坦白講，每次都唔會開心。至於我嘅私生活係點，我暫時唔想表態，今次肯回應係覺得唔可以俾人屈都當冇事，我最嬲係有人竟然為咗出名、博見報，呢啲做法真係無恥。」
Fanny是怎樣認識Derek呢？她說：「我前後見過佢唔夠四次，一啲都唔熟，係Hi、Byefriend，連佢做乜職業我都唔知，𠵱家睇完本周刊咪乜都一清二楚囉！至於嗰張相係幾個月前喺一個朋友屋企嘅party度影嘅，並唔係報道講話喺KeeClub。
「嗰晚啲相全部係用Derek部相機影嘅，而我哋成班朋友都有影合照，但係𠵱家竟然流傳畀本周刊，係邊個提供照片已經好明顯啦。另外有一張我喺KeeClub上的士嘅相就重可疑，嗰晚我係同女性朋友去玩，走嘅時候就撞倒Derek，我禮貌上同佢打招呼，但係佢就一直望住我上車，唔知喺度等乜？𠵱家就俾人寫含情互望。」
此外，早前有報道指Fanny與夫婿馬清偉已簽分居書，她又搬出馬家於施勳道的大宅，Fanny昨日對本報說：「佢哋（指某周刊）寫我搬咗去半山Manhattan大廈住，我可以話畀你聽，我𠵱家仍然係住喺馬家大宅。」