傳追片酬夜店爭執險爆樽
陳雅倫：講嘢大聲以為嗌交！

陳雅倫前晚偕電影公司老闆伍健雄及幾位友人，前往朱永棠開設、位於尖沙嘴的夜店ColourOK&Bar消遣，但有消息透露，指陳雅倫於夜店中，為錢銀問題與人發生口角，混亂中更有人企圖向對方爆樽。

陳雅倫近期接拍由伍健雄所投資的電影《粉葛鯪魚赤小豆》，該片演員尚有李麗珍、鄭中基及姚樂怡等，之前陳雅倫曾拍同屬伍健雄監製的電影《性Salon狂想曲》，雙方兩度合作，據悉二人亦偶有相約吃飯，但估不到前晚卻傳出他們發生爭執的消息。

見狀衝前制止
陳雅倫前晚與經理人Nancy、「老友記電影公司」老闆伍健雄及幾位朋友，一同前往朱永棠於尖沙嘴開設的ColourOK&Bar消遣，大夥兒於店內的VIP房中耍樂，但有消息透露，陳雅倫當晚曾為金錢問題與人發生爭執，其間更有人企圖向對方爆樽，在場人士見狀即衝前制止，未幾雙方怒氣漸消，才各自離去。

「條數好清楚」
昨日記者聯絡陳雅倫時，她在電話中說：「我覺得得啖笑囉，我啱啱喺大陸返嚟香港，見呢排冇見雄仔（伍健雄），咪約佢食飯睇波，之後再落Colour玩，我哋好熟㗎，可能我哋成班人玩得太開心，講嘢太大聲，出面啲人至以為我哋嗌交，雄仔嘅數非常清楚，我哋重傾緊再合作㖭。」
伍健雄昨日亦在電話中說：「我哋噚晚有去玩，但成班人好開心，邊有嗌交、爆樽！完全冇啲咁嘅事，我畀晒片酬陳雅倫啦，我啲數好清楚嘅。」
而朱永棠亦透過電話回應，他前晚亦在場，但整晚無人生事。