青瓜清甜爽口，尤其是做沙律時，加入少量青瓜粒，更加清爽。但並非所有青瓜生食都咁好味，以我經驗最好係揀選啲實淨而又瘦長嘅品種，好似日本青瓜，品質有保證。所以馬來西亞都將日本種青瓜移植過自己本土種植，最近喺超市可以搵到呢啲最新品種馬來西亞青瓜，食落同日本青瓜真係無分別，青瓜面重保留住拮手嘅刺，證明確實係新鮮，核少、肉厚清甜又爽脆，生食最好不過。一盒內有三條，大概半磅多重。
$19.5/盒
百佳超市有售
飲奶係吸收鈣質嘅最佳方法，不過如果你哋都好似我因飲奶而會肚瀉，甚至乎怕咗奶嗰陣腥味嘅話，介紹大家食呢款加有鈣質嘅牛奶夾心餅。呢款餅蛋味濃郁，重加有牛奶、薏米等成份，營養豐富，香脆可口，採用獨立包裝，更方便攜帶，放喺手袋內隨時可作為醫肚小食。
$3.9/100克
惠康超市有售