楊受成母親陳銀昨日往尖沙嘴海洋皇宮酒樓，出席「雙親粵曲欣賞會2002」。楊老太表示最欣賞的名伶是芳艷芬，而她自己則最愛唱的曲目是《游龍戲鳳》。
除唱戲外，楊老太平時有與孫兒打台灣牌，她說：「我多數係同Cindy（楊諾思）打嘅。」談及孫兒，問楊老太曾否見過孫仔楊其龍的外籍女友Ambra？她說：「有，佢有帶過女朋友返嚟見我，不過我同鬼妹仔溝通唔到，都係靠個孫做繙譯。講真我都好恨飲孫新抱茶，不過佢（指楊其龍）咁多心，可能呢個都未必係真嘅，後生嘅嘢自己有打算，都唔到我哋急㗎啦。」
問楊老太楊其龍是否每個女友都會帶返家給她過目，包括上任女友何超瓊（Pansy）？楊老太說：「有，我有見過Pansy，不過佢哋最終咪都係分開咗。」
採訪、攝影:RitaLeung、JessicaNgan