最近外國有消息傳出，謂福特車廠正落力研製一部馬力輸出高達300匹嘅FocusCosworth型號，快者更可望於2005年推出㖭。
從預想圖中可以睇到，呢部配備有一台2.0公升Turbo引擎（馬力輸出高達300匹），以及一套四驅系統嘅FocusCosworth，外觀上可謂極之狠辣；除車頭大型氣霸、大口徑跑車胎軨及電鍍鬼面罩，夠晒吸引突出外，誇張嘅尾定翼及雙出式尾喉組合，亦能將其高性能跑車形象徹底地展示出來。車廂鋪排方面，雖未有詳細資料；但可以肯定嘅係，其鋪排將會極具跑車化，當然唔少得重有跑車桶椅配搭啦。然而，新車不但用上有望於2004年推出嘅新一代Focus作藍本外，再加上一套跑車化懸掛，以及前文所提及嘅四驅系統，更可增強車子本身嘅路面循迹性㖭！有興趣嘅朋友，不妨拭目以待喇。