二十七歲模特兒兼女星神田UNO，去年年底開始大搞的婚紗品牌「UnoPERUno」，由設計、選料到宣傳全部由UNO一手包辦，結果租售情況皆理想，UNO即乘勢添食，推出第二個婚紗系列，前日她更在東京某酒店內親自行catwalk宣傳。
UNO在婚紗展中親自示範了五套婚紗，除了傳統的白色婚紗及與上一系列相似的斑馬設計外，UNO還首次推出牛仔布及蜘蛛網用料的另類選擇。
做生意比做演員更見成績驕人的UNO，表演後不諱言做生意就要做到「Uno級」（Uno乃意大利文NO.1的意思），現在她把全部心機都放在婚紗生意上，故今年內都不可能與美容集團主席男友山野幹夫拉埋天窗，UNO說：「今年內我重想多推出一批新婚紗，咁忙都冇可能搞婚禮啦。」
被問到會否令男友苦等時，UNO即得意地說：「呢樣嘢佢遷就晒我！到我真係鍾意佢到一世唔想離開佢嘅時候，就會定落嚟註冊。」